Stasera Liguria Ancheu a Vobbietta con gli agricoltori del domani

Puntata speciale, quella di Liguria Ancheu in onda stasera dalle 21 su Primocanale. La trasmissione dedicata ai dialetti salirà a Vobbietta, frazione di Isola del Cantone, comune al confine tra Liguria e Piemonte. Qui due giovanissimi contadini e allevatori di galline e conigli, grazie a un dialetto sfavillante, racconteranno la campagna. Lo faranno con la presenza del professor Franco Bampi e anticipando anche una successiva incursione nel verde di Savignone. A metà serata il tg con le notizie più importanti della settimana a cura di Fabio Canessa. A seguire un breve estratto con relativa traduzione.

PARTEÇIPÆ, PASSA A DELIBERA GRAÇIE A L'OPOXIÇION
Setemann-a de ravaxo in Comun a Zena dòppo a delibera in scê parteçipæ aprovâ da-o Conseggio a pòrte seræ. Dua a protesta di scindicati, confermou o sciòpero pe-i 14 de luggio. Ma o Döia o dixe: “No gh’ea ‘n acòrdio in sce tutti i ponti, o mæ dovei o l’é quello de dâ di adressi”. Da-a votaçion vêgne torna feua un dæto politico: a magioransa sciortia da-e eleçioin, targâ Pd e Sel, a no têgne sensa agiutti da-o de feua: pe sarvâ l’urtima delibera l’é servio trei voti de l’opoxiçion. “No metto a sequæo nisciun – comenta o scindico – a magioransa a gh’é e chi ne fa parte no son di sordatti”. Intanto, serou a partia de regionale, i 5 Stelle pontan erto: “Oua s’inandiemmo pe fâ o corpo a Zena – sciòrte a Salvatore – a-e regionale eimo o primmo partio in çitæ, avanti coscì goâgnemmo a-o primmo gio”. E a chi s’é mâvegiou pe-o sostegno deciarou a çerti ponti do programma do Toti e pe-e ciocate a-o Bruzon a risponde: “Semmo pronti a votâ di provedimenti che ne treuvan d’acòrdio, e s’un fa un discorso innovativo, no veddo perché no s’à da batte e moen”.

CAZZE 'NA MIAGIA IN SCIÂ FEROVIA, ATRI DEZAXI
Tragedia schivâ pe ‘n’ongia sabbo pasou a Lengheuia. O miagion de ‘na scheua o l’é deruou in sciâ ferovia, pe fortunn-a no gh’é de ferii. A vegnî zu tutt’asemme l’é stæto ‘na parte da palestra, o resto da strutua o pâ stabile. A linia a l’é stæta serâ de botto tra Arbenga e Arasce, scicomme in sce quella træta gh’é solo un binaio. Trenitalia a l’à institoio un servixo con di celeri, ma i asciddi son stæti belli pezanti, co-o trafego in outostradda a pezoâ a scitoaçion. Scansou o reizego de 'n neuvo caxo Andeua. In sciâ costion do redoggio feroviaio do Ponente l'é intravegnuo o senatô Rossi, ch'o l'à interogou o ministro Delrio pe savei comme se troviâ i fondi pe l'infrastrutua. "Un travaggio importantiscimo - se ghe leze - che a Liguria a l'aspeta scinn-a da dòppo a goæra".

"VEUGGIO OSPITÂ I MIGRANTI", MA A NO PEU FALO
No s'aferma l'arivo de migranti in Liguria, atri 100 vegnian riçevui inte sti giorni. Ma a dâ da discorî l'é a propietaia de 'na lucanda de Bonaseua, a-a quæ l'é stæto impedio d'ospitâ de badda 'na moæ con doî figeu. "Ò giou o mondo, en tutti òmmi comme niatri - a se sfeuga - o stato o dixe d'avei di problemi a riçeivili. Mi vorieiva daghe 'na megio vitta, ma vegnan tratæ comme di pacchi postali". A scignoa a l'é pasâ da-a Questua a-a Proteçion Çivile, da-a Prefetua a-a Caritas, ma no gh'é stæto verso, ògni ente a g'ha trovou quarche magagna. Però lê a no demòrde: "Semmo tutti figgi de migranti, a Bonaseua ascì, faiö de tutto pe poei ospitali".

STABILIMENTO ABUXIVO A SARZANN-A: "CACIÆLO ZU"
A Marinella de Sarzann-a i cantonê e a Capitaneria de Pòrto se son prezentæ a-i bagni Maestrale e Grecale e an comandou de caciâ zu tutto. A stöia a l'incomensa ciu de 20 anni fa, quande a strutua a l'ea stæta stramuâ ciu inderê apreuvo a l'eroxon da riva. Da aloa l'é comensou a conteiza co-un privou e 'na fia d'alargamenti no permissi, abuxi, deroghe e concescioin. Oua o Comun o gh'à refuou l'outorizaçion, decixon confermâ da-o Tar e da-o Conseggio de Stato: o stabilimento o va levou da mezo. O bacan Antonio Aliboni, pasou portê do Livorno e do Brescia, o s'é impontou: "No pòsso cacialo zu oua, co-e cazann-e into pin da saxon. Aspêtemmo a setembre, ò sedonca che fassan liatri".

PALIO DE SAN PÊ, GOAGNA STURLA-VERNASEUA
Domenega o palio de San Pê, a tradiçionale regatta de gossi tra-i borghi da rivea zeneize, goagno da-a ciusma de Sturla-Vernaseua. 'Na competiçion particolâ perché l'exito o no l'é determinou da l'arivo in sciâ batizze: pe otegnî a vitöia a "scimia" (ò "macacco") a se deve arampinâ in sciô castello e aciantâ a bandea primma di atri. Inta categoria di figeu goagna a Foxe, pe-a regatta de figge premiou Nervi. A incornixâ l'evento a crònaca in zeneize tegnua da-i zoeni da Compagna.
PARTECIPATE, PASSA LA DELIBERA GRAZIE ALL'OPPOSIZIONE
Settimana di caos in Comune a Genova dopo la delibera sulle partecipate approvata dal Consiglio a porte chiuse. Dura la protesta dei sindacati, confermato lo sciopero per il 14 luglio. Ma Doria dice: "Non c'era un accordo su tutti i punti, il mio dovere è quello di dare degli indirizzi". Dalla votazione emerge nuovamente un dato politico: la maggioranza uscita dalle elezioni, targata Pd e Sel, non tiene senza aiuti esterni: per salvare l'ultima delibera sono serviti tre voti dell'opposizione. "Non do ultimatum a nessuno - commenta il sindaco - la maggioranza c'è e chi ne fa parte non sono soldati". Intanto, chiusa la partita delle regionali, i 5 Stelle puntano in alto: "Ora ci prepariamo per fare il botto a Genova - esordisce la Salvatore - alle regionali eravamo il primo partito in città, di questo passo vinceremo al primo turno". E a chi si è stupito per il sostegno dichiarato a certi punti del programma di Toti e per gli applausi a Bruzzone risponde: "Siamo pronti a votare provvedimenti che ci trovano d'accordo, e se uno fa un discorso innovativo, non vedo perché non si deve battere le mani"

CADE MURAGLIONE SULLA FERROVIA, ALTRI DISAGI
Tragedia sfiorata sabato scorso a Laigueglia. Il muraglione di una scuola è crollato sulla ferrovia, per fortuna non ci sono feriti. A cedere all'improvviso è stata una parte della palestra, il resto della struttura sembra stabile. La linea è stata subito chiusa tra Albenga e Alassio, poiché su quella tratta c'è un solo binario. Trenitalia ha istituito un servizio con autobus, ma i disagi sono stati molto pesanti, col traffico in autostrada a peggiorare la situazione. Scongiurato il rischio di un nuovo caso Andora. Sulla questione del raddoppio ferroviario del Ponente è intervenuto il senatore Rossi, che ha interrogato il ministro Delrio per sapere come si troveranno i fondi per l'infrastruttura. "Un'opera fondamentale - si legge - che la Liguria aspetta sin dal dopoguerra".

"VOGLIO OSPITARE I MIGRANTI", MA NON PUO' FARLO
Non si ferma l'arrivo di migranti in Liguria, altri 100 verranno accolti in questi giorni. Ma a far discutere è la proprietaria di un albergo di Bonassola, alla quale è stato impedito di ospitare gratis una madre con due figli. "Ho girato per il mondo, sono tutti uomini come noi - si sfoga - lo stato dice di aver problemi ad accoglierli. Io vorrei dar loro una vita migliore, ma vengono trattati come pacchi postali". La signora è passata dalla Questura alla Protezione Civile, dalla Prefettura alla Caritas, ma nulla da fare, ogni ente ha trovato qualche impedimento. Lei però non demorde: "Siamo tutti figli di migranti, anche a Bonassola, farò di tutto per poterli ospitare".

STABILIMENTO ABUSIVO A SARZANA: "DEMOLITELO"
A Marinella di Sarzana i vigili e la Capitaneria di Porto si sono presentati ai bagni Maestrale e Grecale e hanno ordinato di demolire tutto. La storia inizia più di 20 anni fa, quando la struttura era stata spostata più indietro per via dell'erosione della costa. Da allora è cominciata la contesa con un privato e una serie di espansioni non permesse, abusi, deroghe e concessioni. Ora il Comune ha rifiutato l'autorizzazione, decisione confermata da Tar e Consiglio di Stato: lo stabilimento va eliminato. Il proprietario Antonio Aliboni, ex portiere di Livorno e Brescia, ha puntato i piedi: "Non posso demolirlo ora, coi clienti nel pieno della stagione. Aspettiamo a settembre, altrimenti facciano loro".

PALIO DI SAN PIETRO, VINCE STURLA-VERNASSOLA
Domenica il Palio di San Pietro, la tradizionale regata di gozzi tra i borghi della riviera genovese, vinto dall'equipaggio di Sturla-Vernazzola. Una competizione particolare perché l'esito non è determinato dall'arrivo sulla battigia: per ottenere la vittoria la "scimmia" o "macacco" (mozzo d'arrampicata) deve salire sul castello e piantare la bandierina prima degli altri. Nella categoria juniores vince la Foce, per la regata femminile premiata Nervi. A incorniciare l'evento la cronaca in genovese tenuta dai giovani de A Compagna