Venerdì eutto de marso: Pin, Canpomòn, Bösanæo, Mazon e ’na bella figgia ch’a veu inparâ o zeneize
Anâ pe monti insemme a-o Cai de Bösanæo, parteçipâ a-e feste de l’entrotæra e inparâ o zeneize son stæti i temi de Liguria Ancheu. Seguo che se e figge inparessan o zeneize e pretendessan che i mascci o parlessan, ben, inte ’na generaçion o zeneize o saieiva torna vivo e parlòu da tutti…
Fòscia stavòtta chi e paròlle no ean goæi façili: solo un o l’à rispòsto giusto. Ecco cös’ò domandòu:
leggio = leterìn;
pila dell’acquasanta, acquasantiera = beneitìn;
funambolo = balerìn da còrda.
Durante a trasmiscion l’é sciortîo feua a paròlla festaiòllo (festaiolo). S’é parlòu da ‘saliera’ de Canpomòn, ’n antigo depòxito pe-a sâ ch’o serviva tutta a Liguria, se semmo domandæ quæ o l’é o nomme in zeneize e emmo scoverto che a Canpomòn a ciamman sàia.
L’urtima paròlla o l’à domandâ in scignoro via mail: cöse veu dî besiâo. Mi ò òservòu che de spesso in zeneize a ‘b’ e a ‘m’ cangian unn-a inte l’atra; pensemmo a
micelâ e bicelâ, banànna e manànna. Aloa besiâo o porieiva ese mesiâo, a paròlla ciù antiga pe dî nònno.
E viatri, sei d’acòrdio?
Alegri!
“besiâo o porieiva ese mesiâo, a paròlla ciù antiga pe dî nònno”
ma dæto che o prefisso bis o s´adeuvia inte´n muggio de pòule -tra l´âtro inte l´italian “bisnonno”- no l´é poscibile che besiâo a segge a pòula ciù antiga e che o cangiamento o foisse anæto a-a reversa?
voglio dire: esiste qualche possibilità che besaio sia la combinazione di bis+aio (parola che esiste in italiano antico ma che non trobo nel Casaccia)?
http://www.treccani.it/vocabolario/aio_res-fbaefc13-000c-11de-9d89-0016357eee51/