Stasera Liguria Ancheu con il dialetto di Rossiglione e il tg genovese

Dopo aver lasciato spazio alla politica ed essere andata in trasferta tra le botteghe di Genova Pegli, Liguria Ancheu stasera torna in studio dopo due settimane. La trasmissione legati ai dialetti della regione annovererà in studio un complesso musicale e folk di Rossiglione, poi nella seconda parte spazio alla comicità. Tutto con la presenza fissa del professor Franco Bampi e con l'apporto del pubblico da casa che può intervenire attraverso il numero verde 800640771.

A metà serata, come sempre, lo spazio dedicato al tg della settimana in genovese a cura di Fabio Canessa.

O TOTI O L’INSCISTE PE-A GOVERNABILITÆ, INVEXENDO PD
Avoxou da l’ofiçio eletorale de Zena, o Giovanni Toti o l’é o neuvo prescidente da Region Liguria. Comme primma cösa o l’é anæto a confrontase co-o prefetto Fiamma Spena in sciô tema delicou de l’arivo di inmigræ. Intanto o mæximo ofiçio eletorale o l’à caciou inderê a domanda prezentâ da-o çentrodrita de portâ a 33 o numero di consegê pe avei ciu lasco de governabilitæ. L’avocato Danilo Granara o l’à anonçiou ch’o faiâ ricorso de botto. Segge o Movimento 5 Stelle che o PD aivan depoxitou ‘na memöia contra a domanda do Toti. Ancon gran bolezumme inte fie di democratichi apreuvo a- a batòsta de eleçioin. Mâcordì a-a Spezza, dòppo ‘na riunion, s’é arivou vexin a-a riscia. Oua tutta a segretaia regionale a daiâ e demiscioin a-a pròscima direçion de partio. A perdente Paita, inte ‘n’intervista co-o Mario Paternostro, a l’à pontou o dio contra a dirigensa: “M’an masacrâ pe doî anni, ò patio contrasti e antipatie, no son stæta capia”.

INMIGRÆ, SCONTRO TOTI-DÖIA: “GHE VEU DA SOLIDARIETÆ”
Dòppo o ramadan tiou sciu da-o Maroni, o caxo do riçevimento di inmigræ o têgne banco anche in Liguria. O prescidente da Lombardia o l’aiva domandou a-i prefetti d’afermâ e asegnaçioin a-i Comun, con menasâ de tagiâ i fondi a-i scindichi che riçeivan di clandestin. O prescidente ligure Toti, fresco d’eleçion, o l’à dito: “Basta morale e solidarietæ peioza, i çitæn no peuan ciu açetâ di atri inmigræ”. Da mæxima o consegê Matteo Rosso, ch’o se ponn-e contra l’ipòtexi d’ospitâ di pròfughi inti vegi padigioin do San Martin. Dua a repicca da lista Döia: “O Toti o no l’é manco razista, pezo: o goâgna consenso politico in sciâ pelle de vitime. Emmo firmou a petiçion pe riçeive i recoviæ in Liguria perché no voemo renonçiâ a-i valoî da Constituçion”. Rebatte o scindico de Zena: “Serve da solidarietæ tra-i comun. Graviscima l’afermaçion do Maroni, saiva comme se o governo o desse di dinæ a-e Regioin in baze a-e amixitæ politiche”.

STALKER A 23 ANNI: “M’AIVAN TAGIOU FEUA DA-O GRUPPO”
Denonçiou da-a poliscîa de Zena ‘na figgia de 23 anni pe persecuçion. Pe di meixi a l’à scöxio, menasou e ofeizo i seu pasæ compagni de scheua pe refase d’ese stæta tagiâ feua da-o gruppo. Tutto l’é partio da-a denonçia de ‘na figeua, a primma vitima di açimenti, ch’a l’à consegnou in Questua ‘na pilla de letie anònime pinn-e de föto e d’ofeize. Pe mezo do seu profî in sce Facebook, a stalker a l’à otegnuo i contatti di atri compagni pe pöi mandâ dexenn-e de telefonæ e mesaggi minatöi a tutti quelli che gh’aivan da fâ con lê. Dapeu a l’à finn-a spantegou o seu numero de telefono inte ‘n gio de sciti pòrnografichi. I investigatoî an descoverto l’abitaçion donde ne partiva e telefonæ: chì gh’an trovou e sexio de buste za pronte pe ese spedie e ‘na lista con çentanæa de contatti.

ONDÂ DE CADO IN LIGURIA, MA TORNA E RAMÆ D’ÆGOA
Sô, cado e sòfoco, l’é za scciupou a stæ in Liguria. L’Arpal, za da-i primmi de zugno, a l’aiva dæto o livello d’atençion pe-i fastiddi ligæ a sta primma ondâ de saxon. Termòmetro ch’o l’à pasou i 30 graddi in sciâ rivea e inte valadde ascì, con tanta umiditæ a pezoâ l’ascidio. Pe-o fin da setemann-a neuvo stato d’atençion pe-e poscibile ramæ d’ægoa, anche fòrte, a partî da-o Ponente in espanscion a-o resto da region.

O PREZIOSI CONTESTOU, A-O ZENGA A BANCHINN-A DO DÖIA
Contestaçion di tifoxi do Zena a-o prescidente Preziosi, dòppo che i rossobleu an conquistou in sciô campo un pòsto in Ouröpa, scentou a l’urtimo pe-a mancâ asegnaçion da liçensa Uefa. O mercou estivo o vediâ tante partense, ma gh’é ‘na conferma ch’a fa pro: a l’é quella do Gasperini, ch’o restiâ ancon asetou in sciâ banchinn-a do Grifon: “Ò çernuo co-o cheu – o dixe – son seguo che faiemo ‘n’atra bella saxon”. E in ca Sandöia, partio o Mihajlovic, o neuvo alenatô o saiâ o Walter Zenga, apenn-a prezentou a Bogiasco. Bleuçerciæ che porieivan pigiâ o pòsto di coxin in Europa League, ma pe liatri ascì a liçença Uefa a l’é in dubio, pe caxon de ‘na partia do 2011 finia into scandalo de scomisse. Særan con l’amao e atre ligure: o Spezza feua da-i playoff pe-a promoçion in serie A, Entella ch’o perde co-o Modena e o torna in Lega Pro.




TOTI INSISTE PER LA GOVERNABILITÀ, PD NEL CAOS
Proclamato dall’ufficio elettorale di Genova, Giovanni Toti è il nuovo presidente della Regione Liguria. Come prima cosa è andato a confrontarsi col prefetto Fiamma Spena sul delicato tema dell’arrivo degli immigrati. Intanto lo stesso ufficio elettorale ha respinto la domanda presentata dal centrodestra di portare a 33 il numero dei consiglieri per avere più margine di governabilità. L’avvocato Danilo Granara ha annunciato che farà subito ricorso. Sia il Movimento 5 Stelle che il PD avevano depositato una memoria contro la domanda i Toti. Ancora grande agitazione nelle file dei democratici dopo la batosta delle elezioni. Mercoledì alla Spezia, dopo una riunione, si è sfiorata la rissa. Ora tutta la segreteria regionale darà le dimissioni alla prossima riunione di partito. La sconfitta Paita, in un’intervista con Mario Paternostro, ha puntato il dito contro la dirigenza: “Mi hanno massacrata per due anni, ho subito contrasti e antipatie, non sono stata capita”.

IMMIGRATI, SCONTRO TOTI-DORIA: “NECESSARIA SOLIDARIETÀ”
Dopo il polverone sollevato da Maroni, il caso dell’accoglienza agli immigrati tiene banco anche in Liguria. Il presidente della Lombardia aveva chiesto ai prefetti di bloccare le assegnazioni ai Comuni, minacciando di tagliare i fondi ai sindaci che accolgono clandestini”.  Il presidente ligure Toti, fresco d’elezione, ha detto: “Basta morali e solidarietà pelosa, i cittadini non possono più accettare altri immigrati”. Dello stesso avviso il consigliere Matteo Rosso, che si schiera contro l’ipotesi di ospitare profughi nei padiglioni in disuso del San Martino. Dura la replica della lista Doria: “Toti non è nemmeno razzista, peggio: lucra consenso politico sulla pelle delle vittime. Abbiamo firmato la petizione per accogliere i rifugiati in Liguria perché non vogliamo rinunciare ai valori della Costituzione”. Ribadisce il sindaco di Genova: “Serve solidarietà tra i comuni. Gravissima l’affermazione di Maroni, sarebbe come se il governo desse soldi alle Regioni in base alle amicizie politiche”.

STALKER A 23 ANNI: “MI AVEVANO ESCLUSO DAL GRUPPO”
Denunciata dalla polizia di Genova una ragazza di 23 anni per persecuzione. Per mesi ha calunniato, minacciato e ingiuriato i suoi ex compagni di scuola per vendicarsi di essere stata esclusa dal gruppo. Tutto è partito dalla denuncia di una ragazza, la prima vittima delle persecuzioni, che ha consegnato in Questura una pila di lettere anonime piene di foto e offese. Mediante il suo profilo Facebook, la stalker ha ottenuto i contatti degli altri compagni per poi mandare decine di telefonate e messaggi minatori a tutti quelli che avevano rapporti con lei. Poi ha persino diffuso il suo numero di telefono in un giro di siti pornografici. Gli inquirenti hanno scoperto l’abitazione da cui partivano le telefonate: qui hanno trovato e sequestrato buste già pronte per essere spedite e una lista con centinaia di contatti.

ONDATA DI CALDO IN LIGURIA, MA TORNANO I TEMPORALI
Sole, caldo e afa, è già scoppiata l’estate in Liguria. L’Arpal, già all’inizio di giugno, aveva emanato il livello d’attenzione per i disagi legati a questa prima ondata di stagione. Termometro che ha superato i 30 gradi sulla riviera e anche nelle vallate interne, con elevata umidità a peggiorare il disagio. Per il fine settimana nuovo stato d’attenzione per i possibili rovesci, anche forti, a partire dal Ponente in estensione al resto della regione.

PREZIOSI CONTESTATO, A ZENGA LA PANCHINA DELLA SAMP
Contestazione dei tifosi del Genoa al presidente Preziosi, dopo che i rossoblù hanno conquistato sul campo un posto in Europa, svanito all’ultimo per la mancata assegnazione della licenza Uefa. Il mercato estivo vedrà tante partenze, ma c’è una conferma gradita: è quella di Gasperini, che resterà ancora seduto sulla panchina del Grifone: “Ho scelto col cuore – dice – sono sicuro che faremo un’altra bella stagione”. E in casa Sampdoria, partito Mihajlovic, il nuovo allenatore sarà Walter Zenga, appena presentato a Bogliasco. Blucerchiati che potrebbero prendere il posto dei cugini in Europa League, ma anche per loro la licenza Uefa è in dubbio, per via di una partita del 2011 finita dello scandalo scommesse. Chiudono con l’amaro le altre liguri: lo Spezia fuori dai playoff per la promozione in serie A, Entella che perde col Modena e torna in Lega Pro.