Venerdì sei de luggio: zoeni che reçitan in zeneize e zoeni canpanæ

7 lug 2018 by Franco.Bampi, 5 Commenti »

L’arte de sunâ e canpann-e a l’é antiga e l’é in grande piâxei vedde che gh’é di zoeni che continoan a tegnila viva (pe saveine de ciù andæ in sciô scito campanariliguri.it)
Pe fortùnn-a gh’é anche di zoeni che, sciben che o zeneize no o san, an decizo de reçitâ inparando e parte in zeneize a memöia.
Belle cöse che ne fan capî che e nòstre belle parlæ de Liguria son vive e che devimo, con l’inpegno de tutti, no fale moî.

In sce questo tema, l’é interesante sentî quello ch’o l’à dito o Piero Angela inta trasmiscion Superquark de mercoledì 4 de luggio do 2018. Parlando do bilingoismo o l’à dito che, oltre a savei ben l’ingleize, bezeugna no perde e lengoe locali (i “dialetti”) parlæ inte tutta l’Italia che “gh’é vosciuo tenpi longhiscimi pe formase e che son apreuvo a estingoise a gran velocitæ”. Chi sotta se peu descaregâ o video dove o Piero Angela o dixe sta cösa chi:

VIDEO-2018-07-06-19-39-48

Vegnimmo òua a-e paròlle che son stæte solo quelle ch’ò domandòu mi. Te-e chi:
lo sbadigliare continuo = bâgiàia
escoriazione = speléuia, sgarbeléuia
scaffale = sganzîa
Quæxi tutte e rispòste son stæte quelle giuste.

Alegri!

5 Commenti

  1. ludovica santi scrive:

    Scignoria! Perché scia no ne conta ben a vea stoia da ” Croxe de San Zorzo” in scia bandea ingleise ? Grassie! Ludovica

  2. Matte Genovese scrive:

    Ciao Franco, scusate se non scrivo in dialetto ma non ne sono capace, a parlarlo invece non ho problemi, ti volevo fare una domanda. credi che il genovese sia una lingua destinata a sparire ? Io non ho mai sentito uno della mia eta parlarlo, salvo alcuni casi dove con mio enorme piacere ho trovato qualcuno che lo parlasse, io sono della leva 74 e i nostri non ci hanno insegnato a parlarlo, io ho imparato a capirlo e a parlarlo da mia nonna, famiglia di genovesi, ma giusto con loro, per il resto nulla…. questo accade prevalentemente in citta, dove tu sai bene ormai la percentuale di Genovesi veri e bassissima, abbandonando il centro storico e zone limitrofe stiamo diventando una citta senza piu una vera identita. mi sai spiegare il perche di tutto questo ? Grazie e saluti a tutti.

    • Franco.Bampi scrive:

      Purtròppo i nòstri poæ an decizo de no parlane in zeneize quand’eimo figeu. Coscì niatri no l’emmo parlòu a-i nòstri figgi e coscì o zeneize o meue.
      Però o zeneize o l’é ancon vivo e son tanti quelli chò-u parlan. Bezeugna aloa intervegnî òua che quarcösa se peu ancon fâ. Comme? Mah! I lingoisti no an mai, e diggo mai, dito comme se peu fâ pe tia sciù ‘na lengoa e inpedî ch’a sparisce. Tante paròlle (e ciù tante difiçili) ma fæti ninte.
      Devimo ese niatri, che o zeneize o parlemmo, a inventase quarcösa pe no falo moî, magara con l’agiutto de istituçioin. INte l’ateiza parlemmolo o ciù poscibile.
      Seguo che se stemmo li a tòrsio, co-e man in man, pò-u zeneize saian messe dite. Ma mi gh’ò a speransa che se pòsse davei intervegnî e trovâ o mòddo pe sarvalo. Do resto o fæto che semmo chi a scrive de ste cöse in sce ‘n blog de PrimoCanale, o l’é ‘n segno che quarcösa se mescia.

  3. Matte Genovese scrive:

    Ok, grazie franco per la risposta, io credo che l unico modo per insegnare il dialetto ai piu giovani sia quello di mettere un paio di ore di Genovese a scuola, sarebbe una bella iniziativa, anche perche se no non lo imparano da nessuna altra parte. Ciao.

Lascia un commento

Wikipedia in lengoa ligure a çerca di colaboratoî

In sce l’urtimo numero do Boletin da Compagna ò scrito ‘n apello pe çercâ di colaboratoî pe Wikipedia in lengoa

Ràtto penûgo. Ma perché se dixe coscì?

Ràtto penûgo. Ma perché se dixe coscì?

In zeneize ‘pipistrello’ o se tradue ràtto penûgo ò ràtto pernûgo; chi sotta quello che scrive o Cazassa: Ma da

L’inportansa da grafia ofiçiâ

L’amigo Zòrzo Òdon o l’é stæto protagonista de ’n interesante esperimento de letua e conversaçion dov’o l’à provòu a mostrâ

Lescico e scintasci

Devo famene ’na raxon e pigiâ nòtta che tanti pensan che quande se parla do zeneize tutto va ben. In

CATEGORIE

Link utili

Search

Archivio