Stasera Liguria Ancheu con gli alpini e il tg della settimana in dialetto

A riforma di pòrti a l’é a tio. O Ministeio di Traspòrti o l’à avou o cian ch’o disegna o neuvo asesto de Outoritæ e di òrgani de governo. Zena, Spezza, Sann-a e Carrara faian parte de ‘n unico scistema e saian misse insemme sotta ‘n’Outoritæ ciamâ Nord Tirrenica. O prescidente de l’ente institoio o saiâ nominou da-o mæximo ministro in conçerto co-i prescidenti de Regioin interesæ. Traduto, ciu pöca outonomia pe-a Liguria, ch’a gh’à di scæ tra-i ciu importanti do Paize, ma a doviâ confrontâ e seu decixoin co-a Toscann-a. Ninte ciu veti incroxæ da-e direçioin di pòrti, perché o Comitato o no l’aviâ ciu de drito de voto. In ciu che quella ligure-toscann-a, ghe saiâ atre sette outoritæ ch’agropian ciu pòrti insemme. O progetto o saiâ prezentou inte pròscime setemann-e, fòscia ancon primma de demiscioin do Luigi Merlo. E a sto gio, pe-o comisaio ch’o pigjâ o seu pòsto, i enti liguri porieivan za çercâ un nomme ch’o guste a Firense, de mainea che o Ministeio o-o çerne comme prescidente da neuva Outoritæ Nord Tirrenica.

SCANDALO BALON E SCOMISSE, SANN-A INTE SBIGGE

Partie mastrusæ, mafia e scomisse: un neuvo scandalo o l’investe o balon italian. L’investigaçion “Dirty Soccer”, conduta da-a direçion antimafia de Catanzaro, a l’à da fâ co-un muggio de societæ de serie ciu basse, tra-e quæ o Sann-a ascì-e. Dexenn-e d’incontri da prezente saxon saivan stæti zugæ no in sciô campo ma a-a töa. Zugoei, alenatoî, dirigenti e agenti compariscian tra-i indagæ. A sciâtâ l’é sorviatutto o ròllo da ‘ndrangheta, comme sata feua da-i discorsci interçetæ do sopòsto boss Iannazzo, ch’o gh’aiva di contatti co-i prescidenti de societæ de balon pe buzancâ i exiti de partie. Tra-e personn-e impaciugæ gh’é o Nini Corda, pasou alenatô do Sann-a, oua do Barletta, acaxonou d’avei concordou træ partie co-a seu squaddra d’ancheu, ma anche Aquila-Sann-a, comme se leze inti papê de l’antimafia. Atri personaggi indagæ, ch’en stæti ligæ a-o Sann-a, son l’Arturo di Napoli e o Massimiliano Solidoro.

O FUMMA IN SCE L’OUTOBO, PENSCIONOU O-O SFRIXA

O ghe l’à domandou pe træ vòtte, dapeu o no gh’à ciu visto: o l’à tiou feua o cotelin da-o giachê e o gh’à sfrixou o moro. Protagonisti un penscionou de 67 anni e un figeu de 15 a bòrdo de ‘n outobo a Bösanæo. O bardasciamme o l’ea apreuvo a fumase ‘na çigaretta in vetua. L’òmmo o gh’aiva domandou de ciantâ li za a-a fermâ, perché o fumme o ghe dava fastidio. Montæ in sce l’outobo, “no solo o no l’à caciou via a çigaretta – l’à contou o penscionou – ma o l’é anæto avanti a fumala, coscì ò perso o sæximo”. A dâ l’alarme e ciamâ a poliscîa l’é stæto l’outista. Pe-o figeu, portou a-o Villa Scassi de San Pê d’Ænn-a, solo un taggio a-o mento, ch’o peu goarî inte pöchi giorni. L’agresô o l’é stæto denonçiou pe lexoin e pòrto abuxivo de cotello.

TEMPO GRAMMO, ÒMMO FERIO DA ‘N FURMINE A ZENA

L’é tornou o tempo grammo in Liguria. Freido, vento e ramæ d’ægoa in sce tutta a region, sorviatutto into Ponente. Zeuggia pasâ Zena a s’é adesciâ co-o termòmetro ch’o marcava tòsto dexe graddi. Tanti interventi di pompê pe erboi, cornixoin e carteloin cheiti ò in peuixo. Momenti d’anscêtæ e poia in Casteletto, donde un furmine o l’à picou in scî pontezzi de ‘n palaçio in via Kassala. Un louante o l’é arestou ferio. Ben ben difiçili i socorsci, perché l’ascensô do ciantê o no l’ea in deuvia pe caxon da mancansa de corente. I pompê an dovuo intervegnî con l’outoscâ, dapeu l’òmmo o l’é stæto portou a-o San Martin, e seu condiçioin no pan grave.

RECCO, A FESTA DA FUGASSA: 60 ANNI, IGP E EXPO

Domenega a Recco torna a Festa da Fugassa co-o Formaggio, ma st’anno chì l’apontamento o l’aviâ ‘n atro gusto. Intanto, perché a manifestaçion a compisce sciusciant’anni, ma sorviatutto perché a saiâ a primma da quande a tipica pitansa rechelinn-a a l’à otegnuo o marco europeo Igp. I produti in degustaçion saian oferti de badda a-o pubrico. Se comensa a-a matin con fugassa zeneize e co-e çioule, e da l’oa de disnâ in avanti protagonista quella co-o formaggio. A-a festa ghe saiâ o Foody, a mascòtte de l’Expo 2015, graçie a-o patroçinio acordou da-o Padigion Italia.

RIFORMA DEI PORTI, ARRIVA L’AUTORITÀ LIGURE-TOSCANA

La riforma dei porti è quasi pronta. Il Ministero dei Trasporti ha varato il piano che disegna il nuovo assetto delle Autorità e degli organi di governo. Genova, La Spezia, Savona e Carrara faranno parte di un unico sistema e saranno radunate sotto un’Autorità chamata Nord Tirrenica. Il presidente dell’ente istituito sarà nominato dallo stesso ministro di concerto con i presidenti delle Regioni interessate. Tradotto, meno autonomia per la Liguria, che possiede alcuni tra gli scali più importanti del Paese, ma dovrà confrontare le proprie decisioni con la Toscana. Niente più veti incrociati dalle direzioni portuali, perché il Comitato non avrà più diritto di voto. Oltre a quella ligure-toscana, ci saranno altre sette autorità che raggrupperanno più porti insieme. Il progetto sarà presentato nelle prossime settimane, forse ancor prima delle dimissioni di Luigi Merlo. E a questo punto, per il commissario che lo sostituirà, gli enti liguri potrebbero già cercare un nome gradito a Firenze, così che il Ministero lo designi come presidente della futura Autorità Nord Tirrenica.

SCANDALO CALCIO SCOMMESSE, SAVONA NEI GUAI

Partite truccate, mafia e scommesse: un nuovo scandalo investe il calcio italiano. L’inchiesta “Dirty Soccer”, condotta dalla direzione antimafia di Catanzaro, riguarda diverse società delle serie inferiori, tra cui anche il Savona. Decine di incontri della stagione in corso sarebbero stati giocati non sul campo ma a tavolino. Giocatori, allenatori, dirigenti e agenti compaiono tra gli inagati. A preoccupare è soprattutto il ruolo della ‘ndrangheta, come emerge dai discorsi intercettati del presunto boss Iannazzo, che aveva contatti coi presidenti delle società calcistiche per manomettere i risultati delle partite. Tra le persone invischiate c’è Nini Corda, ex allenatore del Savona, ora al Barletta, accusato di aver concordato tre partite con la sua attuale squadra, ma anche Aquila-Savona, come si legge nei documenti dell’antimafia. Altri personaggi indagati, che sono stati legati al Savona, sono Arturo di Napoli e Massimiliano Solidoro.

FUMA SULL’AUTOBUS, PENSONATO LO SFREGIA AL VOLTO

Glielo ha chiesto per tre volte, poi non ci ha visto più: ha estratto il coltellino dalla giacca e gli ha sfregiato il viso. Protagonisti un pensionato di 67 anni e un ragazzo di 15 a bordo di un autobus a Bolzaneto. Il giovane stava fumando una sigaretta in vettura. L’uomo gli aveva chiesto di smettere già alla fermata, perché il fumo lo infastidiva. Saliti sul bus, “non solo non ha buttato via la sigaretta – ha raccontato il pensionato – ma ha continuato a fumarla, così ho perso la testa”. A dare l’allarme e chiamare la polizia è stato l’autista. Per il ragazzo, portato al Villa Scassi di Sampierdarena, solo un taglio sul mento, guaribile in pochi giorni. L’aggressore è stato denunciato per lesioni e porto abusivo di coltello.

MALTEMPO, UOMO FERITO DA UN FULMINE A GENOVA

È tornato il maltempo in Liguria. Freddo, vento e temporali su tutta la regione, soprattutto nel Ponente. Giovedì scorso Genova si è svegliata col termometro che segnava quasi dieci gradi. Numerosi interventi dei vigili del fuoco per alberi, cornicioni e cartelloni caduti o pericolanti. Momenti di ansia e paura a Castelletto, dove un fulmine si è abbattuto sui ponteggi di un palazzo in via Kassala. Un operaio è rimasto ferito. Particolarmente difficili i soccorsi, perché l’ascensore non era funzionante a causa di un black-out. I vigili del fuoco sono dovuti intervenire con l’autoscala, poi l’uomo è stato trasportato al San Martino, le sue condizioni non sembrano gravi.

RECCO, LA FESTA DELLA FOCACCIA: 60 ANNI, IGP ED EXPO

Domenica a Recco torna la Festa della Focaccia col formaggio, ma quest’anno l’appuntamento avrà un altro sapore. Intanto, perché la manifestazione compie sessant’anni, ma soprattutto perché sarà la prima da quando il tipico piatto recchelino ha ottenuto il marchio europeo Igp. I prodotti in degustazione saranno offerti gratis al pubblico. Si comincia di mattino con focaccia genovese e con le cipolle, e dall’ora di pranzo in poi protagonista quella al formaggio. Alla festa ci sarà Foody, mascotte di Expo 2015, grazie al patrocinio concesso dal Padiglione Italia.