CRONACA

BesorriÔ tegnţli a-o strillŠn e mettighe o moriaggio

A-i 12 de novembre p˛rte averte Ó chen e atre bestie inti šimitŰi zeneixi

venerdý 23 ottobre 2015

A nove˝a di m˛rti stĺanno chý a portiÔ unna novitŠ pe chi va Ó vixitÔ i seu cńi.


GENOVA - A noveña di mòrti st’anno chì a portiâ unna novitæ pe chi va à vixitâ i seu cäi. A-i 12 de novembre, quarche giorno dòppo o momento ciù traffegou, se porriâ intrâ inti çimitëi do comun de Zena portandose apreuvo o seu can.

Da no guæi o Conseggio o l’à çernuo d’adattâse à l’uso d’atre çittæ, che permettan l’intrâ di chen e de bestie da compagnia inti campisanti. O permisso, però, o varriâ solo pe trei giorni à l’anno.

Pòrte averte a-i amixi à quattro sampe, basta che gh’aggian o moriaggio e che seggian tegnui co-o strillæn. I chen no saian da soli: inti çimitëi saiâ consentio introdue anche de atre bestie d’affeçion, à condiçion che staggan inte un appòxito trasportin.

Pe-o resto, quello di zeneixi inti çimitëi o saiâ un viægio tra-a descheita e l’abbandon, comme mostrou de fresco da Primocanale. Äie intreghe serræ, tombe scancasciæ, riæ za debordæ inti campi che fan delongo poia. L’argomento o no l’aggiutta, ma de seguo no gh’é da stâ alegri.

Commenti



I NOSTRI BLOG