Venerdì pasòu e questo do trei de mazzo do 2019
E paròlle çernue pe quest’urtimo venerdì son o segoito de quelle de venerdì pasòu, che m’é cao aregordâ chi sotta.
carieu
pirón e de d’ato ‘n òmmo ch’o beive a-o piron
tàncoa, paròlla adêuviâ anche da-o Firpo into verso: ma doveiva sucede comme a vòtta ch’ò trovòu ‘na tancoa drento a reuza.
A paròlla ciù interesante a l’é tàncoa, che in italian a se tradue scorpione, pe-o fæto che scorpión in zeneize o l’é o geco italian. Pe questo ò domandòu o nomme de ste bestie
lagheu
scorpión
tenagétta ò tezoiétta
Coscì, levòu de mezo e bestie, poemo parlâ torna di nommi de cöse.
Altre paròlle che son sciortie feua son maxêa (muretto a secco), çentanâ (centenario), sciónza (sugna). In urtimo segnallo in mòddo de dî cantòu inta canson in sciâ fugassa ch’o l’é o mæ michê, in italian il mio passatempo.
Alegri!
O piron c’o l’è mostrô o l’ha a bocca zemba, o l’è Catalan, quëlo Zeneise o lha a bocca drïta.
Cariö venagréa tancua agö grigö tezuìa áu Páize – Carloforte
pe chi veu saveine de ciù insci Porrons -ma no so se gh´e ascì quëlo zeneize coa bocca drita- l´e sciortio questo libro:
https://www.cossetania.com/el-porr-de-poblet-a-nova-york-2223
Me sovén che o pirón nostran o l’à n’anello fra o còllo e a pansa, sempre de veddro, e metendoghe o dîo medio drento o s’apösa inscio gomio e o se isa isando o gomio. De lì, fòscia, famozo dîto.
ZENA NETTA WEEK
Me pâ che l’abòu, inte l’urtimo confeugo, mogognava a-o Dûxe che Zêna a l’é sucida.
Mia ‘n pö che bell’açion che sciorte feua da ‘na manega di çitæn.
https://www.genova24.it/2019/05/tornano-i-gilet-gialli-ma-questa-volta-puliranno-genova-arriva-la-prima-zena-netta-week-e-tutti-possono-partecipare-217011/