Venerdì 12 ottobre: ticosâse in zeneize sensa ascordâse di tanti eventi in gîo pe Zena

13 ott 2018 by Franco.Bampi, 0 Commenti »

’Na pontâ divertente con doî personaggi çitadin che se son ticosæ da boin amixi inte ’n bon zeneize. Ma s’é parlòu ascì de montan-bike, do coro pe-a Grande Goæra, de ’na gexetta de Faê, fraçion de Recco, de balon, de l’iniçiative do Fai a San Çeprian e do RistorExpo, traduto in sce doî pê levémmose a bazìnn-a.

Pe vegnî a-e paròlle, sta vòtta ò domandòu comme se dixe ‘menagramo, chi porta sfortuna’ (bestétto), ‘irretire, far cadere nella rete’ (inverdugâ) e ‘cinto erniario o brachiere’ (braghê). Con st’urtima paròlla gh’é doî mòddi de dî: o spussa comme ’n braghê e a l’é ciù antiga chò-u braghê de Giùdda tutti doî de façile conprenscion.
Quarchedun o l’à tiòu feua a paròlla miödìn ch’a se tradue in italian ‘subdolo, infido’. Pöi l’é stæto dito che a traduçion de ‘scudo’ a l’é scûo s’a l’é riferîa a-a monæa, ma a l’é scùddo se se veu indicâ in stemma ò l’arma pe difendise. In sciâ fin, l’é sciortîo feua l’esprescion ‘in bocca al lupo’ aconpagnâ da-a domanda: ma comme se dixe in zeneize? A mæ pai, dæto che quest’esprescion a l’evoca quello ch’a veu dî solo s’a l’é dita coscì, mi diæ che a traduçion ciù apropiâ a l’é in bócca a-o lô.

Alegri!

P.S. S’é parlòu anche de doe fontann-e: quella de ciassa Colombo e quella de ciassa Marsala. Se semmo domandæ quæ a l’ea a seu poxiçion iniçiale. Ben, quella de ciassa Marsala a l’ea davanti a-a gexa de San Domenego inte l’atoale ciassa De Ferrari, mentre quella de ciassa Colombo a l’ea davanti a Palaçio San Zòrzo, pròpio comm’o l’aiva dito o Pòulo Òdon.

Lascia un commento

Wikipedia in lengoa ligure a çerca di colaboratoî

In sce l’urtimo numero do Boletin da Compagna ò scrito ‘n apello pe çercâ di colaboratoî pe Wikipedia in lengoa

Ràtto penûgo. Ma perché se dixe coscì?

Ràtto penûgo. Ma perché se dixe coscì?

In zeneize ‘pipistrello’ o se tradue ràtto penûgo ò ràtto pernûgo; chi sotta quello che scrive o Cazassa: Ma da

L’inportansa da grafia ofiçiâ

L’amigo Zòrzo Òdon o l’é stæto protagonista de ’n interesante esperimento de letua e conversaçion dov’o l’à provòu a mostrâ

Lescico e scintasci

Devo famene ’na raxon e pigiâ nòtta che tanti pensan che quande se parla do zeneize tutto va ben. In

CATEGORIE

Link utili

Search

Archivio