Venerdì vintisei de zenâ: muxica, sociêtæ catòliche, biteghe e Genowa!
Pe un comme mi, che gh’o in profî in sce FaceBook (o libbro di mori, comme dixe i Buio Pesto), ma che l’adeuvio pe promeuve o zeneize e no pe contâ i fæti mæ, fòscia a cösa ciù coioza de sto venerdì a l’é stæta quella de conosce i trei zoeni che gestiscian in sce FaceBook a pagina Genowa.
Nòtta. Mi in sce Genowa gh’ò misso a conescion a quella pagina, ma se un o no gh’à in profî FaceBook o no peu veddila: coscì veu FaceBook…
Ma, comme senpre, e protagoniste son stæte e paròlle. Quella ch’a l’à avuo ciù rispòste a l’é stæta a traduçion de ‘inciampo’. Mi diggo: schincapê ò pontapê, ma i ascoltatoî ne an tiòu feua de atre: ingànbo, inbrónco; n’an segnalòu che a Rapallo, pe dî me son inganbòu dixan: ò pigiòu ’na supâ.
L’atra paròlla a l’é stæta ‘incubo’. Chi l’à dita, l’à dita giusta: pezón, anche se, probabilmente, òua tutti deuviemmo l’italianismo: ìncubo.
Quella ch’a l’à dæto ciù giamin a l’é stata ‘sbagliarsi’. Quarchedun o l’à dito erâ, atri sbaliâse (che, l’é ciæo, no peu ese quella giusta!), capelâ, ma an rispòsto in pöchi. A traduçion registrâ da-o Cazassa a l’é inarâse
A-o de la de mæ domande, l’é sciortîo feua atre paròlle. A primma a l’é Mortiòu dove gh’é stæto o Fabio a giâ i seu contributi. Òua Mortiòu a l’é stæta traduta a-a biscöchìnn-a con ‘Multedo’, ma a veu dî ‘mirteto’ (a coretta traduçion) perché a vegne da mortìn (= mirto).
Paròlla coioza a l’é tetêra pe dî peruchê. Atre paròlle son stæte: pésso, che oltre a ‘pezzo’ a veu dî nìnte
masabécco (= mazzapicchio, pe scistemâ e prie de l’astrego), òfiçieu (a candeia da açende a-i Mòrti), scintilìn (i stivæ de gomma), ligabàlle (= imballatore), abrensoîo (= intirizzito).
Concluddo con quello ch’o l’à dito o Mario a-a fin da trasmiscion: lenzeu de sótta. Ma cös’o veu dî?
Alegri!
dove me quego, me crovo cun u lenzeu de sovia.
Veo!!!
Ciao Franco,
Il “lenzeu de sótta” dovrebbe essere uno strato liscio e rigido ottenuto da un impasto di letame ed acqua, distribuito uniformemente sulla superficie dell’aia al fine di ottenere un piano omogeneo dopo l’asciugatura ed essiccatura dello stesso al sole. Lo scopo era di impermeabilizzare e lisciare il suolo per permettere la battitura del grano. Era una oratica comune nell’Appennino ligure fino agli anni ’50-’60.
Cari saluti
Davide
A localitæ de Mórta ascì a ne vegne da-o mortìn.
A Lēvānto inganbase o se dixe scapùsase, pigià ‘na scapùsà
Català: “si no m´erro”=’se non sbaglio’
Alegri!
Inciampare = pigiò ‘na strincò (tabarchino )
Mee nonna quandu se ghe deìaa ciù travaggi, ciù fastiddi, cìù curpe , cà nù l’aia , a dia :Nu suun miga ù lensoo de sutta . Scignuria .
Câo Franco,
ò visto in tòcco da trasmiscion e l’é de longo in piaxei, conplimenti. A paròlla “pézon’ a l’a a maexima etimologia do spagnòllo ‘pesadilla’? Parlando de tetera, a l’amigo de bonanima do Callaghan, legendaio tifôzo Genoano, ghe dïvan o Tetera….magâra o fäva o peruché?
Scignoria
Mauro
lezendâio…
Ghe u lenzeu de suvia e quellu de sotta: cioè il lenzuolo di sotto!