O Tondo de Natale

21 dic 2016 by Franco.Bampi, 0 Commenti »

O Nicòlla Baçigalô o n’a lasciòu ’na longa poexia in sce cöse se mangiava a Natale (ò, con paròlla ciù antiga e ciù viaxa, Dênâ) inte ’na famiggia borgheize de fin Eutoçento. A poexia a l’é stæta publicâ inte ’n libretto intitolòu “Inni civili – Costumanse zeneixi ne-e grandi solenitæ da Gexa” stanpòu a Zena da l’editô Borzone do 1903. O Baçigalô o l’à ciamâ senplicemente “Natale”, ma e ristanpe che son vegnue dòppo, primma da-o Nelio e Ivana Ferrando e pöi anche da mi, l’àn intitolâ “O Tondo de Natale” pe dî o pranso che se fa a Dênâ.

Comm’ò za dito a poexia a l’é longa. Chi sotta ripòrto i versci de l’iniçio e da fin e quarche atro verso ch’o me pâ d’interesse.

Alegri!

P.S. Me son demoòu a marcâ a craxi (= crasi, fusione di vocali). O testo o l’anieiva lezuo comme l’ò scrito.

Natale

Natale! Nomme magico
E ch’o fa battò-u cheu
Co-i ciù contrari palpiti,
A-i vegi-i a-i figeu,
Speransa, dexideio
De tanta pövia gente,
Stìmolo pò-u credente,
Deliçia do mangion,

(…)

Menestra: o nataliçio
Tipico macaron,
Cheutto co-in pö de sélou,
Nò-u bròddo de capon.
Questo-o l’é de pramatica,
No sæ (= saiæ) manco Natale,
Se ’na menestra ugoale
A fosse eliminâ.

(…)

Segondi-i gusti; a regola
Esplicita, formale,
A veu o carateristico
Pan doçe de Natale,
De forme mastodóntiche
Perché o sodisfe l’euggio,
Co-a ramma de l’öfeuggio
Ciantà’n sciâ somitæ.

A questo no se deroga,
E o Cappo de famiggia,
Pe sacr’e inviolabile
Sò privilegio, o piggia
L’arma do sacrifiçio,
E subito-o se mette
A fane tante fette,
Con tutta seriêtæ.

(…)

E quarchedun, a l’urtimo,
O termina-a demoa
Con fâ portà’n sciâ töa,
E beive ò-u botigion.

Quest’uzo, veuggi’amettilo,
O sâ (=saiâ) antidiluviano,
Poerile, mò-u l’ea tipico
E ingenoament’umano,
E pròpio do caratere
Zeneize, rizo-ræo,
Genoino, bello ciæo,
E sens’alteraçion.

Òua o l’acenna-a estingoise
E a festa de Natale,
Prest’a perdiò-u caratere
Sò tipico, speciale,
P’ese, comme-e Domeneghe
E-e feste comandæ,
Ina solenitæ
De sola religion,

(…)

Sâ ’n bén? sâ ’n mâ? No exito
A diva-a mæ opinion:
Pe renda-a vitta façile
Ghe veu ’n pö d’inluxon,
Quande sâ tutto calcolo
E-ezamme raçionale,
Perdiem’ògn’ideale
Pe diventâ cretin!

BON DÊNÂ !!!

Lascia un commento

Roberta Alloisio

Roberta Alloisio

Quande l’ò saciuo so-arestòu de natta. Me paiva inposcibile, no poeiva ese a veitæ. Ma purtròppo a l’ea pròpio coscì:

O Tondo de Natale

O Nicòlla Baçigalô o n’a lasciòu ’na longa poexia in sce cöse se mangiava a Natale (ò, con paròlla ciù

Paròlle antighe?

Veuggio arvî ’na discuscion in sce ’n comento ch’o l’é chi a-o numero 33. Me pâ che o tema tocòu

No scordemmose chi semmo

In sce l’urtimo Boletin da Compagna l’é sciortio questo mæ tòcco che m’è cao riprodue chi in sciô blog. Pe

CATEGORIE

Link utili

Search

Archivio